नेपाली हास्यव्यङ्ग्य अनलाइन पत्रिका

सीता खाई पराइको, गीता गाउन थाल्यौैँ ।
आफ्नो फाली अर्कैसँग, प्रीत लाउन थाल्यौँ ।।

शिर आज खुइलिएर, चिण्डे भयो तालु ।
यो बस्तीमा कुद्न थाल्यो, विदेशको भालु ।।
नाक काट्दा परबाट, ताली पाउन थाल्यौँ ।
आफ्नो फाली अर्कैसँग, प्रीत लाउन थाल्यौँ ।।

धुरी बाली आगो ताप्ने, भयो हाम्रो काइदा ।
दाजुभाइ मारामारी, अर्कैलाई फाइदा ।।

अनुहारमा दाग लाग्दा, स्याबास पाउन थाल्यौँ ।
आफ्नो फाली अर्कैसँग, प्रीत लाउन थाल्यौँ ।।
धादिङ