धनराज गिरीतल तल झारे जस्तो
जित्नेहरू भित्र भित्र हारे जस्तो लाग्यो
आफैंलाई धरापमा पारे जस्तो लाग्यो ।
भ्रम हो कि यथार्थ हो ? जान्न धेरै मुस्किल
जिन्दगीले जिन्दगी नै मारे जस्तो लाग्यो ।
देखेको छु सुनसान त्यो लुम्बिनी गाउँ
गौतमले डेरा अन्तै सारे जस्तो लाग्यो ।
अलि अलि आशा अझै छ कि भन्छ हिमाल
मधेसले आफैं पानी बारे जस्तो लाग्यो ।
माथि माथि जानेहरू हेर राम्रोसित
नैतिकता तल तल झारे जस्तो लाग्यो ।
चितवन
Subscribe
Login
0 Comments
Oldest
