नेपाली हास्यव्यङ्ग्य अनलाइन पत्रिका

सत्ता उठाउँदैमा जान्ने भएँ नठान्नू
डोरी समाउँदैमा तान्ने भएँ नठान्नू ।।

चिप्लेकिराहरूको शिर हेर एक पल्ट
सिंङ मात्र उम्रँदैमा हान्ने भएँ नठान्नू ।।

के काम गर्नलाई यो ठाउँसम्म आयौ
बिर्सेर काम आफ्नो छान्ने भएँ नठान्नू ।।

संसार धान्नलाई दृढ राख्नु पर्छ छाति
टेको लिएर यौटा धान्ने भएँ नठान्नू ।।

अवहेलना हजारौं गर्दै रहेर साथी
मानेर एक अर्ती मान्ने भएँ नठान्नू ।।

अमिलो पिरो मिलेको साथी अचारजस्तो
सिङ्गार गर्न यसको झान्ने भएँ नठान्नू ।।

काठमाडौं