नेपाली हास्यव्यङ्ग्य अनलाइन पत्रिका

१. जे गरे नि हुने रे’छ ! गर्ने गरि’रे’छन् !
मौका ढुकी बस्या’ र’छन् ! सावधान ! नेपाली !

२. सामाजिक सिनेमा थें कस्ता कस्ता राम्रा ! !
धारावाहिक यी कस्ता ? ! ! सावधान ! नेपाली !

३. अघि बढ्ने प्रेरणाले त्याग कति दरो !
अहिले त खोइ ! खोइ !! सावधान ! नेपाली !

४. राष्ट्रियता हियो भित्र जन जन थियो !
अचेल त खोज्नु पर्छ ! ! सावधान ! नेपाली !

५. भावुकता कस्तो कस्तो ! कविताको खै’ त्यो ?
नक्कली छन् फूल पनि ! ! सावधान ! नेपाली !

६. एक हैन हजार र लाखौंलाई ढाँट्ने !
कस्तो जुग आयो अहो !! सावधान ! नेपाली !

७. क्षेत्रवाद ! जातिवाद ! खोइ जनवाद !
’हामी एक !’ हरायो क्या !! सावधान ! नेपाली !

८. प्रकृतिले जनाउ नै दियो सावधान !
हेल्चेक्र्याईं अझै किन ? ! सावधान ! नेपाली !

झर्रो नेपाली घर, चन्द्रगढी झापा