नेपाली हास्यव्यङ्ग्य अनलाइन पत्रिका

नेताहरू ज्युँदा सालिक हामी खरीगाँठे
त्यै भएर छिमेकीले देशै लान आँटे
सबै रोग निको हुने दिल्ली धाएपछि
आमा बुबा बेच्छन् होला पद पाएपछि ।

मनसुन र भनसुनले टिकेको छ देश
त्यै भएर लाग्ने गर्छ आदर्शमा ठेस
नेताहरू चिन्तित छन् क्यास नपाएर
जनताको बिचल्ली छ ग्यास नपाएर ।

मिठो बोली बोलेर नै देश चल्दो हो त
श्रमिकले पटुकीले पेट कस्दो हो त
नाकाबन्दी भन्न सक्ने सरकार छैन
नपुङ्सक सरकारको दरकार छैन ।

अब बल्ल सम्झना भो जङ्गे महेन्द्रको
भाग बिलो नमिलेर देश अन्योल भो
राजधानी दाउराको खोजी गर्न थाल्यो
छिमेकीले सङ्कटमा ठुलो भाँजो हाल्यो ।

सुर्खेत