नेपाली हास्यव्यङ्ग्य अनलाइन पत्रिका

दिल्लीका बिल्ली ! ए सिल्ली ! उल्लीबिल्ली हुँदा पनि
लाज–घीन पचाएर, डुल्छौ सङ्कटमा खुनी ।
चिल्लीबिल्ली बिचल्लीमा, नेपाली जनता परे
नाकाबन्दी र मन्दीले, जनता मारमा परे ।।१।।

स्वास्थ्यशाला सबै ताला, ओखती छैन चाहिने
खाद्यशाला सबै काला, महँगीमा छ दाहिँने ।
उद्योग यन्त्रशाला जे, थिए ढल्दै गए यहाँ
आयोजना र निर्माण, धिप्प–धिप्प रहे जहाँ ।।२।।

पुराना र नयाँ शक्ति, पुत्लाका हुल हुन् सबै
पदको पगरी गुत्न, द्वन्द्व हल्ला हुने सधैँ ।
जनता देश बिर्सेर, प्रभुको पाउ पुज्दछन्
आआफ्ना स्वार्थका लागि, सिल्ली भै दिल्ली कुद्दछन् ।।३।।

गण्डकी र महाकाली, कोशीका अस्मिता लुटे
कालापानी कयौं भूमि, पुत्ला भै कति सुम्पिए ।
जनरक्त बहाएर, आन्दोलन कयौं भए
संझौता थल दिल्ली नै, भन्दै सिल्ली उतै गए ।।५।।

धादिङ