मरुभूमि नारायणशरीर चिलाइ दिए हुन्थ्यो
दुई वटा जोडी ईश्वरले मिलाइ दिए हुन्थ्यो
रोगले व्यस्त शरीर कतै चिलाइ दिए हुन्थ्यो ।
धेरै ठाउँमा टाली सकें फाटेको शरीर पनि
लाजले छोप्ने ठाउँ यो सिलाइ दिए हुन्थ्यो ।
मिति पुगी मरिने शुभ समाचार सुनाउनलाई
कालले सन्देश सुनाउन ढिलाइ दिए हुन्थ्यो ।
मृत्युको थुतुनोमा रमाइ रहेको सुभ समयमा
तिम्रै कोमल हातले विष पियाइ दिए हुन्थ्यो ।
भो चाहन्न म तिमीबाट अपार माया पाऊँ
अंशबण्डामा भरपुर घृणा दिलाइ दिए हुन्थ्यो ।
म चाहन्छु सबै मेरो सेवामा लागी परून्
बाँझो खेत असारमा पूरा हिलाइ दिए हुन्थ्यो ।
तनहुँ
Subscribe
Login
0 Comments
Oldest
