नेपाली हास्यव्यङ्ग्य अनलाइन पत्रिका

१.
दुष्टात्माहरू भाग्दछन् मेरो ध्वनि सुनेर
भक्तका लागि भने कर्णप्रिय
बज्न चाहन्छु अनन्त
सङ्गीत हुँ
म
डमरू हुँ
घन्कन चाहन्छु वुलन्द
विसङ्गत सोंचहरूलाई प्रहार गर्दै
मानव कल्याणको अजेय आवाज बनेर ।

२.
शान्तिको सङ्गीत रोज्ने मनहरू
युद्धका कर्कस् आवाजहरूमा
रमाउन सक्दैनन्
बरु
मुस्काउन चाहन्छन्
सिर्जनाका सुन्दर तरेलीहरूमा
प्रेममा जिउन चाहने जिन्दगीहरू ।

३.
तिमीलाई हेर्ने आँखाहरू
फूलका हुन्
वा
काँडाका हुन्
तिम्रै मनले छाम्नेछन् ।

४.
जन्मभूमिको माया
सुन्दर
काव्य कविको ।

हाल अमेरिका