होम सुवेदीनयाँ वर्ष
आउन लागेको नयाँ वर्ष
तिमी आली आलीमा आऊ
डाली डालीमा आऊ
गाउँगाउँमा आऊ
ठाउँ ठाउँमा आऊ
खोकिला भरि हर्ष बोकेर आऊ
पोल्टा भरि सद्भाव बोकेर आऊ
पक्कै तिमी आउने नै हो भने
मनै भरि माया बोकेर आऊ
छाती भरि स्नेह बोकेर आऊ
तर हेर नयाँ वर्ष
अघिल्लो सालको
बैशाख १२ भएर आउने हो भने
नाकाबन्दी भएर आउने हो भने
बन्द हड्ताल भएर आउने हो भने
हामी यसै ठिक छौं उसै ठिक छौ
त्यसरी नै आउने हो भने
चाहिएन हामीलाई
बरु आउँदै नआऊ ।
भद्रपुर, झापा
Subscribe
Login
0 Comments
Oldest
