नेपाली हास्यव्यङ्ग्य अनलाइन पत्रिका

इमेलमा सोध्ने साथी
के बताउँ तिमीलाई
मेरो के हाल छ
देशको के ताल छ
कहाँबाट सुरु गरुँ
यहाँ कस्तो चाल छ
तिमी गएदेखि
जनताको उस्तै हाल छ
भोका नाङ्गा भए पनि देशवासी
देश चलाउने मालामाल छ
यही त झन कमाल छ ।

राजधानी भनी के गर्नु
तिम्रो घरको अगाडि
फोहर फाल्ने आहाल छ
हामीले पढेको कलेज छेउ
नाङ्गो नाचको बबाल छ
देश हाँक्नेहरूलाई थाहा छैन रे
यही त झन कमाल छ ।

नेताको खडेरी परेको बेला
सभासद फालाफाल
जनतासँग सुको छैन
मन्त्रीको कमाई धमाल छ
बुभ्mन नसकिएको गाँठी कुरा
यही त झन कमाल छ ।

लुटी खान पाउनेहरू
सधैं राजेश हमाल छ
गरी खाने बिचरालाई
सधैँ बन्द, हडताल छ
कहिले यो अन्त हुने
सबको एउटै सवाल छ
तर कसले लिने चासो
सबको आफ्नै ताल छ
दुनो सोजो सबले पार्ने
यही त झन कमाल छ,
इमेलमा सोध्ने साथी
के बताउँ तिमीलाई
यहाँ यस्तै कुराको हाल छ ।

हाल : काठमाडौं