सुनिता सापकोटाको के भन्दै थिए
झुपडीको कहानी भित्ताहरू भन्दै थिए
भोको भएको कुरा बच्चाहरू भन्दै थिए ।
पल्टाएर हेरिरहेँ कयौं पटक मैले आज
तिम्रा भित्री इच्छा फोटाहरू भन्दै थिए ।
नियालेँ यो दुनियाँको कुना कन्दरामा
भेटिएनन् साहारा निर्धाहरू भन्दै थिए ।
चाबी भेट्न पाए सबै सखाप पार्ने थियौँ
महलतिर हेरेर.. गुन्डाहरू भन्दै थिए ।
.
गोरुहरू डुक्रिएको देखेर दिनदिनै यहाँ
भविष्यमा यस्तै बन्छु बाछाहरू भन्दै थिए ।
भोजपुर
Subscribe
Login
0 Comments
Oldest
