नेपाली हास्यव्यङ्ग्य अनलाइन पत्रिका

टुप्पीदेखि पैतालासम्म
राजनीतिको नशा छायो
अब मस्तिष्क बौलाउँछ,
थुतुनो पड्किन्छ,
हात उज्जिन्छ,
पेट सुनिन्छ,
गोडा खुम्चिन्छ,
अनि शरीर ढल्छ ।

राजनीति इमानदार भै दिए !
राजनीति स्वस्थ भै दिए !
कानले सुन्ने काम गरिरहन्थ्यो,
आँखाले देख्ने काम गरिरहन्थ्यो,
नाकले सुघ्ने काम गरिरहन्थ्यो,
तर, विवश भै कान थुनिन थाल्यो ।

आँखा झिम्किन थाल्यो ।
नाक खुम्चिन थाल्यो ।
बिडम्वना,
दलहरूले मान्छे चिनेनन्
मान्छेलाई कांग्रेस, कम्युनिस्ट, पंच
आदि आदि कोटीमा चिनाइ रहे,
चिनि रहे ।

काठमाडौं