वासुदेव पाण्डेयकुकुर मात्र भुक्दा रहेछन्
फलेका सबै वृक्ष झुक्दा रहेछन्
र अल्छीहरू खान ढुक्दा रहेछन्
कहाँ सुक्छ मन्दाकिनी घाम लागे
कुलेसाहरू मात्र सुक्दा रहेछन्
यसो गर्छु भन्छन् उसो गर्छु भन्छन्
नटोक्ने कुकुर मात्र भुक्दा रहेछन्
जुहारीहरू घोट्दछन् धातुलाई
सबै धातु, ढुङ्गा नदुख्दा रहेछन्
जहाँ क्रूरता पापले राज गर्छन्
त्यहाँ सत्य आदर्श लुक्दा रहेछन्
कुरौटे कुरा काट्नमा व्यस्त हुन्छन्
हिँडेकाहरू दूर पुग्दा रहेछन् ।
सुर्खेत
Subscribe
Login
0 Comments
Oldest
