नेपाली हास्यव्यङ्ग्य अनलाइन पत्रिका

भारतले सिलिन्डर नपठाए के भो
म ग्यासको पाइप घर घरमै जोडी दिन्छु
चाइनाबाट लिएर भए पनि
यो नाकाबन्दी तोडीदिन्छु
यदी भएन भने दुई बर्षामा
यो सत्ता नै छोडि दिन्छु
गफै त हो गोफ्ले
आरुले पनि गफ लाएर नै खाए
मैले अलिकती बडी गफ लाए के भो त ?

बिजुली नआए पनि
घर घरमा खम्बा ठडाइ दिन्छु
बत्ती नबाले पनि
बिजुलीको मिटर चडाइ दिन्छु
पानी नआए पनि
पाइप सडक भरी लडाईं दिन्छु
भुकम्पले घर ढलाएको भए पनि
म सबका घर ठडाई दिन्छु
नत्र दुई बर्षमा हेर्नुस न, रजिनामा नै चढाइदिन्छु
गफै त हो नि गोफ्ले
अरुले पनि गफ लाएरै आए
मैले अलिकति गफ लाएरै खाएं के भो त ?

सब नेपालीलाई बिदेश पठाइ दिन्छु
फ्री भिसा दिएर बिदेशिलाई बरु
यता खटाइ दिन्छु
सबको ऋन माफि गरी दिन्छु
कृषकलाई मल सित्तैमा भरी दिन्छु
काठमाडौ डुब्ने गरी पानी पोखीदिन्छु
सकेन भने रजिनामा ठोकी दिन्छु
गफै त हो नि गोफ्ले
आरुले पनि गफ लाएरै खाए
मैले अलिकती बढी लाए के भो त ?

दाङ, हाल काठमाडौं