मुन पौडेलनेता चिन्ने मन्त्र
नेतालाई चिन्नु कसोरी ? 
हाँस्छ जो दाँत निचोरी ।
देशलाई चपाएर, राष्ट्रियता खाएर
गाउँछ जो सत्यताको होरी । {{read_more}}
नेता….
गाउँकी काली स्वास्नीलाई छोडेर ठाडै
शहरमा बिहे गर्छ गोरी ।
नेता….
पैसा पाए बिक्री हुन्छ, डलर पाए लिलाम
नैतिकता बेचेको अघोरी ।
नेता….
मुलुक जाओस् भँडखाला, रातो हुन्छ क्या गाला
जनताको भाग सबै हसुरी ।
नेता……
के के यिनले खा’काछन, के के पचाका छन्
हेर्नु पर्छ डल्ले भुँडी फोरी ।
नेता……
नियम कानून लाग्दैन, पुलिसले समात्दैन
मान्छे मारोस या गरोस् चोरी ।
नेता…….
खोजीखोजी फटहालाई, चिनी चिनी लुच्चालाई
ख्वाउनु पर्छ झ्यालखानाको पुरी ।
नेता…..
देख्यो कि त बाङ्गालाई, भेटे नेता नाङ्गालाई
सबै मिली भनौं कुरीकुरी
नेतालाई चिन्नु कसोरी ?
हाँस्छ जो दाँत निचोरी ।
Subscribe
Login
0 Comments
Oldest
