आनन्द श्रेष्ठठोक्तहरूको बथान
१.
अब साँझ पर्दा नलजाई आउनू
संकेत गर्दै चुरा नबजाई आउनू {{read_more}}
देख्ला कि कसैले,कतै दाग लाग्ला
ओठमा लाली पनि नसजाई आउनू ।
२.
जीवन पनि आफूले भनेकै जस्तो कहाँ हुन्छ र !
जस्तो धैर्य पनि चोट सहनेकै जस्तै कहाँ हुन्छ र !
चिना लेख्दा भनेका थिए गुरूले– मन्त्री बन्छस् तँ
भाग्य पनि त चिना बनेकै जस्तै कहाँ हुन्छ र !
३.
भेटघाटको गति निकै मन्द भो
मायामा एउटा परिवन्द भो
भेटुँ न भनी समय दिएँ
ठिक त्यही दिनमा घडी बन्द भो ।
४.
प्रेममा हुँदा हजार गल्ति मञ्जुर हुनुपर्छ
प्रेमकै लागि झुक्न पनि मजबुर हुनुपर्छ
तुला जस्तो जीवन हुन प्रेममा सधैंभरि
दुवै मनमा उत्तिकै प्रेम जरूर हुनुपर्छ ।
५.
आउँदा खाली मुट्ठी अनि जाँदा मुट्ठी खाली
जिन्दगीभर खोज्छ जीवन हालि र मुहाली
फूलबारीमा फूल फुलेर हराभरा हुन
रोप्न जान्यौं भने मात्र खुशी हुन्छ माली ।
६.
त्यो झरी परेको दिन थियो
गोजीमा रूपैंया तीन थियो
एकान्तमा भेट्टाएँ पातलीलाई
उनीसँग पुरानै ऋण थियो ।
Subscribe
Login
0 Comments
Oldest
