बद्रीप्रसाद दाहाल ‘भस्मासुर’सोझो बन्न सकेन पुच्छर
निम्ता मान सबेर–बेर नगरी, झण्डा र डण्डा लिँदै
हेलीकप्टर जेट मोटर चढी, जो कोश ढुट्ट्याउँदै {{read_more}}
घुम्नू मोज गरेर भोज भकुरी, बोकी नयाँ उर्वशी
थप्द्यौ वैभव राश राश बटुली, आफन्त साली सखी ।।१।।
ठ्याक्कै शङ्कर बुद्धका रुप लिई, गर्दै महा—भाषण
झुक्किन्छन् जनता जनार्दन सधैँ, जोगाउछौ आसन
भ्रष्टाचार गरेर टन्न हसुरी, कोशै बन्यो घाइते
काले हौँ कथुरे भनेर सपना, बाँड्यौ सधैं काइते ।।२।।
चिफै गेस्ट बनेर, न्वारन बिहे बर्तून सप्ताहको
भान्सा चर्पी र ट्याङ्की काव्य रमिता, उद्घाटनैको मियो
खोक्रा भाषण छाद दम्भ बलमा, सप्रेन कैल्यै मति
सोझो बन्न सकेन पुच्छर कठै, कस्तो भयो दुर्गति ।।३।।
धादिङ
Subscribe
Login
0 Comments
Oldest
