साइबर अपराध सम्बन्धी सचेतना सामग्री

पशुपतिको जात्रा सिद्राको ब्यापार

Nepal Telecom ad

धन्यवाद छ नेपाल सरकार !
मन्त्रीज्यूका कुर्सीमा बस्ने मूर्तिहरूलाई मेरो नमस्कार !!
कहिले विकास हुन्छ र गतिलो संस्कार ?
पशुपतिनाथले पनि कल्याण गरेनछन् कि क्यार
खुम्चिएको छ नि त दरबार !

टोपी फुकालेर थाप्लो थाप्न हौ तयार,
तराईतिरबाट बर्सिंदै छन् हतियार ।
किन भन्छौ राजाका मतियार ?
दिन सक्नु पर्यो नि त गुहार
ऐनामा हेर त आफ्नो अनुहार !
देशमा दिनदिनै गाईजात्रा छ यार !!

किन रोक्छौ रक्तचन्दनको कारोवार ?
खुला नाका, छुट छ भन्सार ।
भरिन्छ नि त देशकै धनसार
चल्नुपर्छ तिनकै अनुसार
भन्न छोड अब गद्दार सद्दार
चुप लाग, बोल्यौ भने खबरदार !

अझै कायम गर्नुपर्छ अलमल र दोधार
कहिले गर्ने हो चुनावको प्रचारप्रसार !
खुस्कन थालिसक्यो सुरुवालको इजार,
ख्याल गर, सार्वजनिक होला नि गुदद्वार !
यता सिंहदरवारले लगाइरहेछ प्यार !

जनताहरू भै रहेछन् हाहाकार
कन्टेनरमा छन् रे हतियार
तै पनि चलेकै छ मारामार
मन्त्रमा मात्रै भयो सुधार
सरकार पनि ज्यादै छ उदार
कानमा तेल हालेरै सुतोस् अख्तियार !
किन रोक्नु पर्यो र भ्रष्टाचार !
तपाइँ पनि गर्नुस् न विचार !!!

चेलीबेटी बेचिन्छन् रे वर्षेनि बाह्र हजार
भो यहाँ बसेर त लागिँदैन पार
जानुपर्छ कि क्या हो बद्रि केदार
बटुलेर तरुनीहरू दुई चार
भै हाल्छ नि, पशुपतिको जात्रा सिद्राको व्यापार !!

बम्घा, गुल्मी
‘फित्कौली’, अङ्क १५, २०६४ भदौ बाट ।

Subscribe
Notify of
guest

0 Comments
Oldest
Newest Most Voted
Nepal Telecom ad
हामी नेपाली

हामी नेपाली

काशीनाथ मिश्रित
आधार ज्येष्ठको होस्

आधार ज्येष्ठको होस्

काशीनाथ मिश्रित
बालेन्ड

बालेन्ड

काशीनाथ मिश्रित
मातापिता !

मातापिता !

काशीनाथ मिश्रित
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
सासूससुरा पालैपालो हसुर !

सासूससुरा पालैपालो हसुर !

रणबहादुर बुढाथोकी ‘भैया’
0
Would love your thoughts, please comment.x
()
x