आर.आर. चौलागाईंमुखले फलाक्छन्
यो पनि मेरो देशको झन् अर्को एउटा सग्लो चित्र हो ।
(१)
मुखले फलाक्छन्-
“साहित्यकार राष्ट्रका गहना हुन् ।”
तर व्यवहारमा देखाउँछन्
साहित्यकारप्रति घोर अपमान र तिरस्कार ।
यो मेरो देशको एउटा सग्लो चित्र हो ।
(२)
मुखले फलाक्छन्-
“नारीहरू आधा आकाश हुन् ।”
तर व्यवहारमा देखाउँछन्
प्रेमिका, श्रीमती र नातागोतामात्रै नारी हुन् ।
यो पनि मेरो देशको अर्को सग्लो चित्र हो ।
(३)
मुखले फलाक्छन्-
“मजदूर, किसान र श्रमिक नभई देश चल्दैन ।”
तर व्यवहारमा देखाउँछन्
बिचौलिया, भ्रष्टाचारी र दलाल पुँजीपति नभई देश चल्दैन ।
यो पनि मेरो देशको अर्को एउटा सग्लो चित्र हो ।
(४)
मुखले फलाक्छन्-
” राजनीति जनताको सेवाको लागि हुनुपर्छ ।”
तर व्यवहारमा देखाउँछन्
राजनीति आफ्नो खल्ती भर्नको लागि हुनुपर्छ ।
यो पनि मेरो देशको झन् अर्को एउटा सग्लो चित्र हो ।
हेटाैंडा, मकवानपुर
Subscribe
Login
0 Comments
Oldest
