युवराज भण्डारीसमय अपार आयो
एउटा अपत्यारिलो खबर छ आज, हाम्रो देशमा नेता इमानदार आयो ।
लौ पढ्नुस् है ताजा अखबार आयो
चुनाव हार्नेहरूको पो सरकार आयो
जो भित्र पस्छ ढुकुटी सकेर जान्छ
देशमा कस्तो मनचिन्ते द्वार आयो
सबैभन्दा प्रगति अचेल महँगीमा छ
कस्तो विकास ! समय अपार आयो
नाम / शक्ति पछि दगुर्ने पत्रिका त्यो
जनताको भन्दै मिथ्या प्रचार आयो
एउटा अपत्यारिलो खबर छ आज
हाम्रो देशमा नेता इमानदार आयो
तनहुँ, हालः टोरन्टो, क्यानडा
Subscribe
Login
0 Comments
Oldest
