नेपाली हास्यव्यङ्ग्य अनलाइन पत्रिका

पदम भण्डारी :

जे जस्तो थियो हिजो, उस्तै छ आज पनि
लाजैमर्दो अवस्था छ, दुनियाका माझ पनि ।१।

कैल्यै आएन ग्यासको पाईप, हाम्रा घरघरमा
कैल्यै आएन रेल पनि, पानी जहाज पनि ।२।

ठूला गफ गर्नेकै पछि, किन भिड लाग्छ
बलेकै आगो ताप्ने नै, हुन्छ समाज पनि ।३।

हातको पानी चल्दैन तर, जवानी चल्छ
कसले बनायो अचम्मको, रितिरिवाज पनि ।४।

ठूला कुरा गरेर, गर्व गर्‍यो नेताजीले
उसको भाषण सम्झेर, लजायो लाज पनि ।५।

०००
चितवन