बूँद रानाबानी परेछ यस्तै !
गजल भयो कि के भो ? जान्नेहरूले भन्नू मनले म गाउँदैछु, बानी परेछ यस्तै !
बूँद राना :
बेथा खटाउँदैछु, बानी परेछ यस्तै
तेस्मै रमाउँदैछु, बानी परेछ यस्तै !
मीठा रहरहरूमा निर्लज्ज आईबस्छन्,
माखा धपाउँदैछु, बानी परेछ यस्तै !
ननभेज, भेज के हो ? चाखेर भन्नुहोला
मो मो पकाउँदैछु, बानी परेछ यस्तै !
ढुङ्गा पचाउनु छ, अभ्यासमा छु ऐले
छुर्पी चपाउँदैछु, बानी परेछ यस्तै !
गजल भयो कि के भो ? जान्नेहरूले भन्नू
मनले म गाउँदैछु, बानी परेछ यस्तै !
आगो-डढेलो खप्ने पार्नु छ बूँदलाई
काबिल बनाउँदैछु, बानी परेछ यस्तै !
०००
भैरहवा
Subscribe
Login
0 Comments
Oldest
