पदम भण्डारीडरले मन, थुर थुर भो
मासु किन्न पसल गयो, किन्न सक्ने त्यहि कुखुरा र बाख्राहरुको, नङ्ग्रा खुर भो ।
पदम भण्डारी
चाडबाड आयो दशैं आयो, तर झुर भो
समय पनि निष्ठुर भयो, साह्रै क्रुर भो ।१।
चाडबाड आएपछि घरमा, झन् मिलति हुन्न
घरका जाहानको आफ्नै, आफ्नै शुर भो ।२।
पसल पसल चाहारेर, रित्तै घर फर्किएसी
छोरी रीसले ठुस्स परि, छोरो चुर भो ।३।
मासु किन्न पसल गयो, किन्न सक्ने त्यहि
कुखुरा र बाख्राहरुको, नङ्ग्रा खुर भो ।४।
खै किन आउँछ चाडबाड, गरिबलाई पनि
को रिसाउने हो डरले मन, थुर थुर भो ।५।
०००
चितवन
Subscribe
Login
0 Comments
Oldest
