नेपाली हास्यव्यङ्ग्य अनलाइन पत्रिका

पदम भण्डारी :

तिम्रो कोकाकोला फिगर, बडी सम्झँदैछु
तिम्रो हातमा ला’को रोलेक्स, घडी सम्झँदैछु ।१।

मेरो घर चितवनको, दिव्यनगर भन्दा
तिम्रो माइति सिमरौन, गढी सम्झँदैछु ।२।

लैला मजनुको जस्तो, हाम्रो माया तोड्न
तिम्रो दाइले ला’को गोर्खे, छडी सम्झँदैछु ।३।

सम्बन्धमा खिया लायो, गल्ती कमजोरीले
लभ परेको जिल्ला त्यो बै-तडी सम्झँदैछु ।४।

दुर्भाग्य भो माया ला’को, भन्दै तिम्ले पनि
चिठी पठाई दे’को धोका, धडी सम्झँदैछु ।५।

०००
चितवन