टेकनारायण रिमाल ‘कौशिक’केही व्यङ्ग्यात्मक उदक
सेठ ! खाँदैनौ दिँदैनौ केलाई कमायौ धन ? हेर ! सेठको कात्रोमा खल्ती हाल्दै दर्जीले ।
टेकनारायण रिमाल ‘कौशिक’ :
यदि
घृणा छैन
प्रेमको मूल्य छैन ।
खाएर
ऐंसेलु काफल
इमान जमान जोगाऊ !
बसाल
प्रेम-नगर
नत्र प्रेम नगर ।
हुँदैन
सुपारी बाँड्दैमा
शुभ विवाह साथी !
नरो !
जग्गे थाप्तैमा
बेहुली पाइँदैन भाइ !
अब
बूढो भयौ
भक्ति गर दाइ !
सेठ !
खाँदैनौ दिँदैनौ
केलाई कमायौ धन ?
हेर !
सेठको कात्रोमा
खल्ती हाल्दै दर्जीले ।
०००
याङ्गौँ, म्यान्मा (बर्मा)
Subscribe
Login
0 Comments
Oldest
