नेपाली हास्यव्यङ्ग्य अनलाइन पत्रिका

काठमाडौं, २०८२ साउन १५ । राष्ट्रिका साहित्य प्रतिष्ठानको साधारण सभाले ऋषभ देव घिमिरेको अध्यक्षतामा नयाँ कार्यसमिति चयन गरेको छ ।

राजधानीमा विहिबार आयोजित साधारण सभामा प्रतिष्ठानको उपाध्यक्षमा डा.शान्तिमाया गिरी, महासचिव मधु पाठक, सचिव सुमन घिमिरे, कोषाध्यक्षमा हरिवोल ढकाल चयन भएका छन् । यसैगरी सदस्यहरुमा सुष्मा आचार्य, छविरमण सिलवाल, डा. सृजना शर्मा र प्रदीप सापकोटा चयन भए।

साधारण सभामा संस्कृति संवाद समेत आयोजना गरिएको थियो । यस संवाद कार्यक्रममा प्रमुख अतिथि प्रा. पुरुषोत्तम दाहालले साहित्यलाई संस्कृतिसँग जोड्नु आजको आवश्यकता भएको बताए । उनले असार पन्ध्रको सन्दर्भलाई समेत जोडेर राष्ट्रिकाले कार्यक्रम गरेकोमा खुशी व्यक्त गरे । यसैगरी अर्का बक्ता वरिष्ठ साहित्यकार नेपाल स्रष्टा समाजका अध्यक्ष श्रीओम श्रेष्ठ रोदनले संस्कृतिको जगेर्ना गर्न जरुरी भैसकेको बताउँदै नयाँ पुस्तालाई समेत साहित्यमा आकर्षित गर्नुपर्नेमा जोड दिए ।

कार्यक्रममा वरिष्ठ साहित्यकार पवन लोक, प्रा.डा.जीवन अधिकारी,चिनिमायाँ माझी लगायतले शुभकामना मन्तव्य राखे ।

मधु पाठकले सञ्चालन गरेको उक्त कार्यक्रमको अध्यक्षता ऋषभ देव घिमिरेले गरेका थिए । कार्यक्रममा आर्थिक तथा प्रगति प्रतिवेदन समेत पास गरिएको थियो ।

०००
प्रदिप सापकाेटाद्वारा संप्रेप्रेषित