कुप्रदाकुर्सीको स्वाद नै मीठो
झेलको खेल झकाँश छ ठेलमठेल क्या मीठो, सबैभन्दा मलाई त कुर्सी खोसाखोस नै मीठो ।
फुटको राम्रो राजनीति गुट झन् उपगुटको
मीठो झन् सत्तोश्राप त पाँडे गाली क्या मीठो
झेलको खेल झकाँश छ ठेलमठेल क्या मीठो
सबैभन्दा मलाई त कुर्सी खोसाखोस नै मीठो ।
पापड बेलनीको भन्दा चाकर चाकडीको मीठो
मन्त्रीको जन्तर राम्रो घात अन्तरको मीठो
अति क्षति मति भन्दा असहमति निकट मीठो
अति उत्तम् मलाई त झन् कुर्सीकै टिकट मीठो ।
बिरबलको खिचडी जस्तै आशाको कानुन मीठो
खान्की आश्वासन पस्कि, बास चैं पार्टीकै मीठो
जितुवाको लाचारी राम्रो, हरुवाको हुँकारै मीठो
अति असल सर्वमान्य कुर्सीको पुकारै मीठो ।
हिँडाइ राम्रो अबेलाको सुताई कुबेलाको मीठो
मात राम्रो राजनीतिको बात जँड्याहाको मीठो
स्वाद उत्कृष्ट भत्ताको, सत्ताको भाग झन् मीठो
मलाई त सर्वोत्कृष्ट कुर्सीको स्वाद नै मीठो ।
गुप्तनगरको, लुप्त गाउँ
Subscribe
Login
0 Comments
Oldest
