बागमती प्रदेश सञ्चार कार्यालय लामो

कुर्सीको महिमा

कुर्सी खतरामा छ त देश खतरामा छ, कुर्सी खतरामा छ त दुनियाँ खतरामा छ, कुर्सी बचेन त भाँडमा जाओस् प्रजातन्त्र ।

भावानुवाद : टंक कार्की

ऊ जमिनमा हुँदासम्म
कुर्सी खराब ’थ्यो
कुर्सीमा जब ऊ विराजमान भो
जमिन भो खराब ।

उसको नजर कुर्सीमा ’थ्यो
कुर्सी लागेको ’थ्यो
उसको नजरलाई
ऊ नजरबन्द गर्छ उसलाई
महिलालाई नजरबन्द गर्नेलाई ।

फगत ढाँचा होइन त्यो
फलाम या काठको
कद हो कुर्सी त
कुर्सी अनुसार
सानो ठूलो छ त्यो
स्वाधीन छ या अधिन छ
खुश छ या नाखुश
कुर्सीमा लिसो झैं टाँसिन्छ
एक लिप्त मानिस ।

फाइल दब्दै रहन्छन्
न्याय टालिन्छ
भोकासम्म दाल भात पुग्दैन
बिरामीलाई ओखति
अपराध नगरेर पनि
सुलीमा चढाइन्छ
यसै बीच
कुर्सी नै हो
जो घूस र प्रजातन्त्रको लेखा राख्छ ।

कुर्सी खतरामा छ त प्रजातन्त्र खतरामा छ
कुर्सी खतरामा छ त देश खतरामा छ
कुर्सी खतरामा छ त दुनियाँ खतरामा छ
कुर्सी बचेन त
भाँडमा जाओस् प्रजातन्त्र
देश र दुनियाँ ।

खुनको समुद्रमा सिक्का राखिएका छन्
सिक्कामाथि कुर्सी
कुर्सीमाथि तानाशाह
एक पटक फेरि नरसंहारको आदेश दिन्छ ।

अविचल रहिरहन्छ कुर्सी
माग र शिकायतको दुनियाँमा
चोट र आँसुको दुनियाँमा
मुर्दा तुल्य रहन्छ कुर्सी
आफ्नै खुट्टामामा आगो नलागेसम्म ।

मातेको मान्छे झैं डङ्ग्रङ्ग ढल्छ ऊ
नालीमा आँखा खोल्छ
जब नशा जस्तै कुर्सीको मोह भंग हुन्छ ।

कुर्सीको महिमा
बखान गर्ने
यो एक थोत्रो प्रयास हो
लिसो झैँ टासिनेलाई सोधे हुन्छ
कुर्सी भूगोल हो
कुर्सी इतिहास हो ।

बागमती प्रदेश सञ्चार कार्यालय लामो
लासको मूल्य

लासको मूल्य

हरिशंकर परसाईं
क्रान्तिकारीको कथा

क्रान्तिकारीको कथा

हरिशंकर परसाईं
अयोध्यामा बहीखाता

अयोध्यामा बहीखाता

हरिशंकर परसाईं
अतिथिकक्षमा प्रतीक्षाको घडी

अतिथिकक्षमा प्रतीक्षाको घडी

रवीन्द्रनाथ त्यागी
अपाङ्ग राजनीति

अपाङ्ग राजनीति

हरिशंकर परसाईं