नेपाली हास्यव्यङ्ग्य अनलाइन पत्रिका

एक दिन नेता विद्वानकाे हुल भोट माग्दै पुगे
र भाषण गर्दा यसरी भुके ।
कुनै बेला म पनि ठुलै विद्वान् थेँ
अहिले पनि म आफूलाई त्यही ठान्छु
सबै विद्वान्ज्यूहरूलाई भव्य मान्छु ।

फेरि तिनै नेता साधुहरूको अड्डामा गए
र भाषण ठोक्ने भए ।
कुनै बेला म पनि ठुलै सन्त थेँ
आज पनि म आफूलाई सन्त नै ठान्छु
त्यै भएर यहाँहरूलाई भगवान भैंm मान्छु ।

त्यसपछि महिलाको सभामा पुगे
यो पाली त नेताजी महिला नै बने
कुनै बेला म पनि ठुलै महिला थेँ
अहिले पनि आफूलाई महिला नै ठान्छु
त्यसैले महिला दिदीबहिनीलाई धेरै मान्छु ।

अर्को दिन तिनै नेतालाई
चोर, डाकाहरूको अखडामा पुग्दा
चोरहरूले जयजयकार गर्दै जुरुक्क बोके
र नेताले फुरुक्क हुँदै भाषण ठोके ।
कुनै बेला म पनि ठूलै डाँका थेँ
अहिले पनि आफूलाई त्यही ठान्छु
त्यसैले तपाईंहरूलाई म महान मान्छु
यहाँहरूको भोट मलाई आओेस् भन्ने चाहन्छु ।

नेता नेता भनेर तपाई कति मरिहत्य हो !
ल भन्नुस् त
नेताको भाषण, कुन झुठो कुन सत्य हो ?

काठमाडौं