नेपाली हास्यव्यङ्ग्य अनलाइन पत्रिका

प्रेम ओली ढकलपुरे :

एउटा मच्छेर
बिजुली देखी तर्सिन्छ
अँध्यारो मात्र पर्खिन्छ
मेरै रगत चुसेर
मेरै अगाडि फुर्ती देखाउदै उड्छ
कहिले प्राडोमा पनि गुड्छ
म बिरामी परेर दुब्लाउदै गाछु
उ झन झन माेटाउदै गाछ
किन कि अध्यामा बसेर मेरो खुन खानु खा छ ।

उसलाई उज्यालो पटक्कै मन पर्दैन
बत्ती बाल्यो कि छापामार झै लुक्छ
अँध्यारो लुकेर कुकुर जस्तो भुक्छ
मलाई
यसलाई दुई हातले थिचेर
किचिक्क मार्ने मन छ
सिलौटोमा राखी लोरोले
पिचिक्क पार्ने मन छ
हेर्दैछु यो मौका कहिले बन्छ ।

यसले हामीलाई बिजुली निभाएर
टुकीमा राख्न चाहन्छ
अँध्यारो पारेर अनेक धन्दा गर्न चाहन्छ
हरेक दिन यसको सन्तान मौलाउदैछ
त्यो पनि हाम्रो खुन चुसेर बौलाउदैछ
अब यसलाई जसरी हुन्छ
ताली पट्काएर थिचिक्क पार्न चाहन्छु
गुड्नाइट दिएर यसको पखेटा झार्न चाहन्छु ।

०००
काठमाडाैं