नेपाली हास्यव्यङ्ग्य अनलाइन पत्रिका

दुख पोख्ने ठाउँ छैन
मनको वह जानेहैन ।
बृद्ध हुँदा दीर्घ जीवन
सुखी जीवन खुसी हुन्न ।

लालाबाला हुर्काउने जिम्मेवारी कस्तो थियो
आशा रुपी भावनाले सधै लम्की रहँु भयो ।
तर आज छोटा भए लम्किएका पाइलाहरू
बिर्सुं भन्छु नविर्सने चम्किएका यादहरू ।
दुख पोख्ने ठाउँ छैन
मनको वह जाने हैन
वृद्ध हुँदा दीर्घ जीवन
सुखी जीवन खुसी हुन्न ।

स्वच्छ रुपले मनको भाव सधै अघि राखि बसें
सुन्दरता यो घरलाई मिलीजुली काखी च्यापें
कहिँ कतै दैवले नि घात गरी मलाई छोड्यो
भुलिएर मनको मन्दिर दैवले नै जोगाई जोड्यो ।
दुख पोख्ने ठाउँ छैन
मनको बह जाने हैन
वृद्ध हुँदा दीर्घ जीवन
सुखी जीवन खुसी हुन्न ।

पीडाबोध जतिनै होस् मन खुशी हुनै पर्छ
धन दौलत त्यतिकै होस् तर पनि रुनै पर्छ
शरीरको भर छैन आज हो कि भोलि लाने
ढल्किँदैछ हाम्रो जीवन ठेगान छैन कता जाने ।
दुख पोख्ने ठाउँ छैन
मनको बह जाने हैन
बृद्ध हुँदा दीर्घ जीवन
सुखी जीवन खुशी हुन्न ।

कल्पि रहुँ कति कल्पुँ उमेरका कुरा सम्झि
बिर्सुं भन्छु नबिर्सने लम्किएर जान्छ गति ।
जेष्ठताको पगरीले गाथा मैले वुनि सकें
हृदयको स्वच्छ भावले माया मैले चुनि सकें ।
दुख पोख्ने ठाउँ छैन
मनको बह जाने हैन
वृद्ध हुँदा दीर्घ जीवन
सुखी जीवन खुसी हुन्न ।

०००
९८४१४६४४५७.
सूर्यविनायक न.पा., भक्तपुर