नेपाली हास्यव्यङ्ग्य अनलाइन पत्रिका

भावना न्यौपाने :

ईश्वरको कृर्पाले हामी सबै
यो धर्तीमा आउँनुपर्ने रहेछ ।
बच्चा, युवा, प्रौढ हुँदै वृद्धअवस्था पनि
हुनुपर्ने रहेछ ।

बच्चा, युवा, प्रौढ र वृद्धअवस्थामा
आफ्नै थरिका दुखसुख भोग्नुपर्ने रहेछ ।
बच्चामा पढाइको पिर, युवामा उन्नतिको पिर,
प्रौढमा घरपरिवारको पिर
वृद्धअवस्था आफ्नो सुरक्षाको
पिर हुँदोरहेछ ।

वृद्धअवस्था प्रकृतिको नियम रहेछ
हामीले चल्नैपर्ने रहेछ ।
वृद्धअवस्था हुँदा जब घरपरिवार, समाज र राष्ट्रले
दुव्र्यवहार गरिदिन्छन्
तब मन सारै रुँदोरहेछ ।

धेरै वृद्ध भएर अशक्त भई बिछ्यौनामा रहँदा
कोही पनि आफ्नो नहुँदो रहेछ ।
एक दिन होइन दुई दिनको बिरामी होइन
सधैं स्याहारसुसार गर्नुपर्ने भनेर
झर्काफर्को हुँदोरहेछ ।

प्रकृतिको नियम ईश्वरको खटनपटन सबै
हामीले कर्मअनुसार भोग्नैपर्ने रहेछ ।
बच्चामा भगवानको स्वरुप जस्तै
वृद्धअवस्था पनि भगवानको
अर्को रुप हो त्यसलाई आत्मसात गर्नुपर्दो रहेछ ।

हे मेरो प्यारा jद्ध बाबा आमाहरू हो
आफ्नो शारीरिक, मानसिक आर्थिक,
भावनात्मक सुरक्षा आफै गरी बस्नुहोस्
यही बेस रहेछ ।

निस्क्रिय भएर पिर चिन्ता, पीडामा नबस्नुहोस्
आफ्नो सिपले, मिठा सृजनाले र ज्ञानले
घर, समाज र राष्ट्रलाई अझ सशक्त
योगदान दिनुहोस्
यसैबाट सबैको भलाई हुनेरहेछ ।

०००
भक्तपुर