वृद्ध अवस्था
पाका मानिसहरूको भोक, प्यास, विमारी, दुःखकष्ट, वेदना र पीडा बुझेर त्यहीँ अनुसार हेरचाह गर्नु, प्रेम दिनु ।
भावना न्यौपाने :
डाँडामाथिको घाम पनि भोलि
सूर्योदयसँगै उदाउनुपर्छ
नत्र कसरी जगतलाई उज्यालो दिनु,
नत्र कसरी जगतलाई
बाटो देखाउनु ।
हिजोको हुर्कँदो बच्चा
आजको युवा र भोलिका पाका मानिस
यही संसारमा पर्छ
सधैं रमाउनु, जमाउनु ।
पाका मानिसहरू
जगतका मार्गदर्शक,
सिपका खानी, ज्ञानका खानी
प्रेम र स्नेहका खानी
नत्र कसरी हामी सबैले
बाटो पैलाउनु, ठम्याउनु ।
चाहिँदैन उनीहरूलाई ठूला महल,
चाहिँदैन उनीहरूलाई चौरासी व्यञ्जन,
चाहिँदैन उनीहरूलाई भोगबिलासीका सामानहरू
मात्रै राम्रो हेरचाह दिनु, बाँड्नु।
राम्रो व्यवहार,
मिठो वचन र निस्वार्थ प्रेम
संसारमा सबैलाई चाहिन्छ
अझ बढी असक्त रोगी,
पाका मानिसलाई धेरै दिनु, बाँड्नु ।
पाका मानिसहरुले पनि
आफ्नो सिप, योग्यता, वाणीले,
रचनाले घर,समाज र राष्ट्रलाई
योग्दान दिइरहेका हुन्छन्
त्यसको सम्मान दिनु, राख्नु ।
पाका मानिसहरूको
भोक, प्यास, विमारी, दुःखकष्ट,
वेदना र पीडा बुझेर
त्यहीँ अनुसार
हेरचाह गर्नु, प्रेम दिनु ।
हिजो बच्चा थियौँ,
आज युवा छौँ
भोलि हामी पनि
पाका मानिस हुनेनै छौँ
यहीँ ज्ञान लिई मनन गरी
पाका मानिसलाई
सबैले उचित सम्मान दिऔं ।
०००
भक्तपुर