नेपाली हास्यव्यङ्ग्य अनलाइन पत्रिका

भावना न्याैपाने :

हे मेरा प्यारा नातिनातिना मुटुको धड्कन हौ
हे मेरा प्यारा छोराबुहारी आशाका तड्पन हौ।

सम्झन्छु अहिले दुईवर्ष पहिले यहाँ ल्याई छोडेको
मबाट के कस्तो भुल भयो र तिमीहरूले मन मोडेको।

गर्दछन् हामीलाई सबैले प्रेम र स्नेह यस आश्रममा
दाताहरुकै माया साथबाट चलेको छ हाम्रो यो जीवन ।

सबै निस्वार्थ मन दयालु हात लिई आउँछन् साथमा
के खाऊ के लाऊ फिर्की छैन हामीलाई आश्रममा।

सम्झेर सयौं छोरा र छोरी आश्रममा आउँदछन्
हाम्रा तितामिठा कुराहरु र भोगाई सुनेर जाँदछन् ।

तीनवर्ष बित्यो बाबु तिमीहरूको केही पाइन खबर
आमाको मन रातोदिन रुन्छ को छ र यो संसारमा।

ती मेरी सानी नातिनी मेरी बस्दथिन् काखमा
रातपरेपछि खाएर सधैं सुत्दथिन् मेरो साथमा।

खोइ मेरी आमा भनेर आज खाेज्दै हुन् नातिनी
आँसुका ढिका लिएर आज सम्झन्छु म पनि ।

०००
भक्तपुर