नेपाली हास्यव्यङ्ग्य अनलाइन पत्रिका

रामशरण न्यौपाने :

बुढाबुढी समाजका प्रबुद्ध हुन् धरोहर
यिनै भए समाजमा हुने छ सर्वथा भर
डटेर गर्छ वृद्धले समाजको सुधार हो
बुढाबुढी त ईशकै विशेष त्यो मुहार हो ॥१

बुढाबुढी भएर पो त स्वर्ग बन्छ सुन्दर
बुढाबुढी रुँदैहिँडे त नर्क बन्छ त्यो घर
बुढाबुढी भएर बाँच्नु दैवको पुकार हो
बुढाबुढी त ईशकै विशेष त्यो मुहार हो ॥२

प्रवेश हुन्छ ईशको र द्वार हुन्छ हो खुला
अनेक विघ्न टर्दछन् भए जुनै ठुला ठुला
फुलेर केश चाहुरी हुने त त्यो जुहार हो
बुढाबुढी त ईशकै विशेष त्यो मुहार हो ॥३

रमेर बन्धु आउँछन् घरै छ तीर्थ माफिक
रमाउँछन् सबै जना लिएर फिर्न आसिक
तिनै भए त ज्ञानको विचारको भँडार हो
बुढाबुढी त ईशकै विशेष त्यो मुहार हो ॥४

बचाउँछन् मनुष्यता बचाउँछन् सबै रीत
बिताउँछन् दिनै सबै बनेर नै सुसंस्कृत
गरेर बस्नु चाकरी सुधर्म नै अपार हो
बुढाबुढी त ईशकै विशेष त्यो मुहार हो ॥५

०००
भक्तपुर