नेपाली हास्यव्यङ्ग्य अनलाइन पत्रिका

ढाकामोहन बराल :

यो कथा राजधानीको सुकिला मुकिला बस्ने हाउजिङ्गको हो । हाउजिङ्ग कम्पनीले बनाइदिएको क्लव हाउसमा बैठक बसिरहेको थियो ।

कसरी व्यवस्थित रुपमा हाउजिङ्गमा बसोबास गर्ने, सुविधाको उपभोग कसरी गर्ने भन्ने बारेमा समय समयमा बैठक बसिरहने गर्दथ्यो । बैठकमा उपस्थिति उठाइयो ।

सबैको नामको अगाडि केही न केही थपिएको थियो । डा., प्रा., ई. विभिन्न प्राज्ञिक शब्दहरु लेखिएका थिए । कसैले आफू आबद्ध क्लवको आधारमा ला. (लायन) रो. (रोटरी) जस्ता शब्द पनि राखेका थिए ।

हर्कबहादुरको पालो आयो । उनले पनि आफ्नो नामको अगाडि लेखे प्रा. डा. ई. छि. । सचिवले माइन्यूट उठाउने क्रममा जिज्ञासा लागेर सोधे, “हर्क बहादुर सर, यो प्रा. डा. छि. भन्या के हो ?“ हर्क बहादुरले भने “प्राध्यापक, डाक्टर, इन्जिनियरको छिमेकी हो ।”

०००
पोखरा- ७, मासबार, कास्की ।