घनश्याम रेग्मीचार ठाेक्तकहरू
अचम्म त यो छ कि न सुशासन छ न विकास छ यो देशमा सरकार जिउँदो छ कि मरेको छ खै केही चल्दैन थाहा हुँदैन ।
घनश्याम रेग्मी :
ठोक्तक- १
अहो यी छद्मभेषी उद्योगीले नकाम गरेर जात जनाए
लौ कहाँसम्म भ्रष्टाचार गरेछन् धेरै लुटेछन् साह्रै गनाए
सत्ता शक्ति र पैसाको भरमा जहाँ जे पनि किन्न पाइन्छ
खै कुन्नि के के मिसावट गरे बदनाम चाउचाउ बनाए ।
ठोक्तक- २
देशका लागि जिउ ज्यान दिने मात्र होइन धेरै परेका
यहाँ त बैंक फोड्न जाँदा पनि छन् रे कति त मरेका
नामावली थोरै भयो अझै तीन हजार थप्ने तयारी छ रे
यति धेरै शहीद भएर पनि एक बिदा नदिने यो के गरेका ।
ठोक्तक- ३
सत्तामा नबस्दासम्म हो बसे पछि देश बनाउने चाहा हुँदैन
लाखौं करोडौं नकुम्ल्याएसम्म कुनै पनि कुरा आहा हुँदैन
अचम्म त यो छ कि न सुशासन छ न विकास छ यो देशमा
सरकार जिउँदो छ कि मरेको छ खै केही चल्दैन थाहा हुँदैन ।
ठोक्तक- ४
कर्मचारीका व्यवहार जनताप्रति उस्तै छन् तुषले भरिएका
अग्रगामी सोच नै कमाउनु यिनका विचार भुसले भरिएका
जनताले सेवा पाऊन् भनी तलब भत्ता सुविधा खर्चिन्छ राज्य
किर्ते गरेर कमाउन र महल ठड्याउन झोला घुसले भरिएका ।
०००
बैजनाथ- १, चिसापानी, बाँके
Subscribe
Login
0 Comments
Oldest
