नेपाली हास्यव्यङ्ग्य अनलाइन पत्रिका

डा. लोकेन्द्रप्रसाद पौड्याल :

बुढेसकालमा शरीरले
पूरै हुर्मत लियो
चर्किदैगो चिनीरोग
किड्नी समाई दियो

महङ्गीको मार सङ्गै
डाक्टर शुल्क बढ्यो
औषधिका विलहरूले
सगरमाथा चढ्यो

भाको जेथा बेचिबेची
सास धान्नु पर्‍यो
समयले बुढ्यौलीमा
अत्याचारै गर्‍यो

नातागोता आफन्तजन
पराई झैं रहे
सहयोगी साथीभाइ
पनि टाढा भए

रोगव्याधले अस्तव्यस्त
भयो जीवन यात्रा
सिमित भयो दिनचर्या
काल नै कुर्न मात्र ॥

०००
काठमाडौं