नेपाली हास्यव्यङ्ग्य अनलाइन पत्रिका

देवीप्रसाद मिश्र :

कर्मका बलले गर्दा जन्म हुन्छ मनुष्यको ।
कर्मले मार्ग बन्ने हो वर्तमान भविष्यको ॥ (२७०)

चाहिन्छ शूरतासाथै ज्ञानले बन्छ सज्जन ।
यसैका खोजमा लागे बन्छ , सुन्दर जीवन ॥ (२७१)

छोरा मात्र भए धेरै, हुँदैन कुल उन्नति ।
थिए सगरका छोरा हजार के भयो गति ॥ (२७२)

विशेष गुणको छोरो मात्र एक नहोस् किन ।
चम्किन्छ कुलको दीप रविझैँ मन कञ्चन ॥ (२७३)

विकार मल मूत्रादिसँगमा परिपूणर्को !
शरीर अन्नको भाँडो, बन्नेछ भवको दियो !! (२७४)

तीर्थ र व्रत दानादि परोपकारमापनि ।
लगाए मन यो हाम्रो हुन्छ सफल जीवनी ॥ (२७५)

जिन्दगी धान्नमा हाम्रा सन्तानसँग सत्यता ।
सारथि बन्छ यो राम्रो धर्मकर्म सुसभ्यता ॥ (२७६)

सूत्र अनेक छन् त्यस्तै जिन्दगी सुख सारका ।
स्वास्थ्य जीवनका साथ मन शान्त विशेषता ॥ (२७७)

भार्या हुन् दिलकी प्रेमी हँसिली मधुमालिनी ।
आज्ञा पालनको छोरोसँगमा होस् पराक्रमी ॥ (२७८)

ज्ञान विज्ञानका पात्र हुँदा सभ्य सुसन्तति ।
फुल्छ वगानमा राम्रो विशेष पुष्प मालती ॥ (२७९)
क्रमशः

०००
काठमाडौं