नेपाली हास्यव्यङ्ग्य अनलाइन पत्रिका

रामशरण न्यौपाने :

बुझ्दैन यो सत्य यहाँ कसैले
के हुन्छ कुर्लेर भनेर मैले?
गाहस्थको घाम भयो अँधेरो
बन्दैछ वृद्धाश्रम देश मेरो ॥१

छोरा बुहारी जति खेदिदैछन्
खोजेर बाटो परको लिदैछन्
लाग्यो जवानी परदेश फेरो
बन्दैछ वृद्धाश्रम देश मेरो ॥२

खुल्ला छ चारैतिरको सिमाना
आयो असाध्यै छलको जमाना
बेचिन्छ मान्छेसरि नै पजेरो
बन्दैछ वृद्धाश्रम देश मेरो ॥३

कोही भुटानी जसरी खटाए
सङ्ग्रामा नै कति पो पठाए
गर्छन् सबै नै परको उसेरो
बन्दैछ वृद्धाश्रम देश मेरो ॥४

छन् वृद्धवृद्धा अति वेदनामा
अत्यन्त मर्माहत सासनामा
फेर्दै बसौँ खै कति पो हकेरो?
बन्दैछ वृद्धाश्रम देश मेरो ॥५

०००
भक्तपुर