युवराज भण्डारीजागरण हुनुपर्छ
अरुलाई औंला उठाउँनु अगाडि सधैँ सोच्नू कसैको प्रेरणा बन्न आफू उदाहरण हुनुपर्छ ।
युवराज भण्डारी :
सादा जीवन उच्च विचारको समीकरण हुनुपर्छ
असल मानिस बन्नलाई राम्रो आचरण हुनुपर्छ ।
कोही सक्दैन रहिरहन शिखरमा सधैँभरि
जति माथि पुगे पनि भुईंमै अवतरण हुनुपर्छ ।
कसैलाई बाधा नपुगोस् हाँसी हाँसी मर्न सकौँ
मृत्युपर्यन्त सद्विचारको अनुसरण हुनुपर्छ ।
अरुलाई औंला उठाउँनु अगाडि सधैँ सोच्नू
कसैको प्रेरणा बन्न आफू उदाहरण हुनुपर्छ ।
सचेत भएर जिउनुपर्छ कदम कदममा हामी
समाधिको मूलमन्त्र भनेकै जागरण हुनुपर्छ ।
०००
तनहुँ, हाल क्यानडा
Subscribe
Login
0 Comments
Oldest
