नेपाली हास्यव्यङ्ग्य अनलाइन पत्रिका

दीनानाथ पाेख्रेल :

द्रष्टा:-
ज्येष्ठका कथा ज्ञानका प्रभा ।
यत्नले सिकौँ ढल्दछन् व्यथा।।
सौम्य साथमा शिल्प हातमा।
कर्म पक्रँदा सौख्य माथमा ।।०१।।

वृद्धसाथमा नित्य जान्छु म ।
ज्ञान वृद्धका पूर्ण सिक्छु म ।।
प्रेमका कला बोक्नुपर्दछ ।
वृद्धसाथमा पोख्नुपर्दछ ।।०२।।

कर्ममार्गको द्वार खोल्नुछ ।
वृद्ध जान्दछन् सत्य बोल्नु छ ।।
नेत्रमा मिठो बास पाउँदै ‌‌।
नम्रता टिपूँ प्रेम गाउँदै ।।०३।।

चेतका व्यथा दूर गर्नुछ ।
सौख्य प्राप्तिमा शिल्प भर्नुछ ।‌।
काव्यका कला जन्मिए भला ।
स्नेह भर्दछन् छन्दका गला ।।०४।।

अर्थका व्यथा दूर गर्नुछ ।
गेह चम्कने शिल्प भर्नुछ।।
कर्मपारखी भन्दछन् सबै ।
सौख्यसारथी बन्दछन् सबै।।०५।।

०००
भक्तपुर