शिव पलाँसबा बलिया हुन्
ढुङ्गा फोर्ने घन दोब्रिएर गयो बाको स्वाभिमान कहिल्यै दोब्रिएन हिजो स्कुल पढ्दा लाग्थ्यो फलाम बलियो हो आज जिन्दगी पढ्दा लाग्छ बा बलिया हुन् ।
शिव पलाँस :
हलोको फाली खिइएर गयो
बाको पैतला कहिल्यै खिइएन
कोदालोको पातो खिइएर गयो
बाको हत्केला कहिल्यै खिइएन
दाउरा मार्ने खुर्पा भाँचिएर गयो
बाको हिम्मत कहिल्यै भाँचिएन
ढुङ्गा फोर्ने घन दोब्रिएर गयो
बाको स्वाभिमान कहिल्यै दोब्रिएन
हिजो स्कुल पढ्दा लाग्थ्यो
फलाम बलियो हो
आज जिन्दगी पढ्दा लाग्छ
बा बलिया हुन् ।
०००
जनवरी २ , २०२५
Subscribe
Login
0 Comments
Oldest
