शिव पलाँसतीन ठोक्तक
लोकतन्त्रको नाममा झुट, बेइमानी धेरै भो शहीदको रगत र जनताको पसिना खेरै गो जसले सिङ्गो देश आफ्नो भुँडीमा हाल्यो उसैलाई भोट हालिरहेको छु, गल्ती मेरै हो ।
शिव पलाँस :
१.
गाउँघरमा लघुवित्त र सहकारीले लुटेका छन्
शहरमा प्रतिपक्षी र सत्ताधारीले लुटेका छन्
लाटासुधा जनतालाई धोती न टोपी बनाएर
वडादेखि केन्द्रसम्म भ्रष्टाचारीले लुटेका छन् ।
२.
खुकुरीको दाप होइन कि धार गतिलो हुनुपर्छ
सारङ्गीको कलश होइन तार गतिलो हुनुपर्छ
कोट लगाएर अनि टाई बाँधेरमात्र हुँदैन हजुर
मान्छेको ज्ञान, विवेक र विचार गतिलो हुनुपर्छ ।
३.
लोकतन्त्रको नाममा झुट, बेइमानी धेरै भो
शहीदको रगत र जनताको पसिना खेरै गो
जसले सिङ्गो देश आफ्नो भुँडीमा हाल्यो
उसैलाई भोट हालिरहेको छु, गल्ती मेरै हो ।
०००
Subscribe
Login
0 Comments
Oldest
