केही ठोकान
घाँटीका बुढा नशा फुट्ने गरि बोलुँ कि त ? मिलेर बसेको समाजमा विष घोलुँ कि त ? खती गर्दा नि भएन, जागिर गर्दा नि भएन म पनि तिमीले झैं एउटा पार्टी खोलुँ कि त ?
शिव पलाँस :
१.
ज्यादा भावुक नहुँदा कसो होला माननीय ज्यू ?
गोहीको आँसु नरुँदा कसो होला माननीय ज्यू ?
दिउसै तस्करहरूसँग चियर्स गरेको त्यो हातले
राष्ट्रिय झन्डा नछुँदा कसो होला माननीय ज्यू ?
२.
नाम चैं बाम हो दुवैको
काम चैं खाम हो दुवैको
एउटा मात्र लक्ष्य भनेको
सत्तामा जाम हो दुवैको ।
३.
घाँटीका बुढा नशा फुट्ने गरि बोलुँ कि त ?
मिलेर बसेको समाजमा विष घोलुँ कि त ?
खती गर्दा नि भएन, जागिर गर्दा नि भएन
म पनि तिमीले झैं एउटा पार्टी खोलुँ कि त ?
४.
टाटेपाटे बर्दी लगाउँदो रहेछ, काँधमा बन्दुक भिर्दो रहेछ
तर पैसाले हानेपछि सुरक्षा स्वयम् जमीनमा गिर्दो रहेछ
अरु देशको विमानस्थलमा त फलामको मुसो नि छिर्दैन
हाम्रो देशमा त सुनको हात्ती पनि सजिलैसँग छिर्दो रहेछ ।
०००
नर्थ क्यारोलिना
भाद्र ४, २०८०