नेपाली हास्यव्यङ्ग्य अनलाइन पत्रिका

देवीप्रसाद मिश्र :

पाका सज्जन मार्गदर्शन यिनी बाँड्दै कला काैशल
हाम्रा लागि लडे, ठुला समरमा सारा निखारे बल।।
पालाे आउँछ बन्नुपर्दछ बुढाे सम्पूर्णले आखिर ।
एकै वाक्य म भन्छु वृद्धजनकाे गर्ने गराैँ आदर।।१।।

तन्देरी वयमा रहेर जहिले, बाँच्ने यहाँ काे छ र ?।
बालाेबाट युवा वयस्क बनिँदै चढ्ने न हाे मास्तिर।।
मान्छन् वृद्धहरू सदा अनुजका साफल्यमा सादर।
एकै वाक्य म भन्छु वृद्धजनकाे गर्ने गराैँ आदर।।२।।

चाहेका इतिहास रास रसिला छन् वृद्धका साथमा ।
अर्पिन्छन् अनुदानझैँ, अनुजका जाे लक्ष्यसन्मार्गमा ।।
वृद्धावृद्ध हुँदा सदैव हँसिला हुन्छन् पुराना घर ।
एकै वाक्य म भन्छु वृद्धजनकाे गर्ने गराैँ आदर।।३।।

काेही, दीर्घ बिरामका कहरमा, तड्पेर बस्दा घर।
सम्झन्छन् दिलदार, भाइभतिजा आनन्दका खातिर।।
केकस्ताे छ भनेर साेध्न नसके, के स्नेह पाइन्छ र ?।।
एकै वाक्य म भन्छु वृद्धजनकाे गर्ने गराैँ आदर।।४।।

जस्तो सङ्कट हाेस् तथापि मनमा,सन्तोष मानीकन।
काेही,मानिस भेट्न आउँछ भने, हाँस्छन् बुढ्याैली मन।।
बाेली, मात्र उदात्त साट्न, सकिए आनन्द के हुन्न र ?
एकै वाक्य म भन्छु वृद्धजनकाे गर्ने गराैँ आदर।।५।।

०००
साेह्रखुट्टे, काठमाडाैं