नेपाली हास्यव्यङ्ग्य अनलाइन पत्रिका

अमर सन्तति :

१.
आहा बत्तीस लक्षण पुरा रहेछ
लठ्ठै पार्ने चिप्लो कुरा रहेछ
देखियो राम्रै असली रुप तिम्रो,
बाहिर मुस्कान, भित्र छुरा रहेछ ।

२.
वैभव देख्छौ तिमी, पीडाको दिनमा उभेको छु
मुर्छा पर्ने अवस्थामा छिनछिनमा पुगेको छु
खुसी होऊ ए ! ईर्ष्यालु मनहरु, नजल न अब,
म त अचेल भव्यरुपमा ठूलै रिनमा डुबेको छु ।

३.
हामी आज स्वाधीन हौं कि पराधीन ! बुझ्नै सकिएन
कुन तन्त्रमा छौँ अझै पनि आसीन ! बुझ्नै सकिएन
लावालस्कर छ बाटोमा , ट्राफिक जाम छ सवारीको ,
कता जादैँ छन् कुन राजा हरेक दिन ! बुझ्नै सकिएन ।

०००
भक्तपुर