नेपाली हास्यव्यङ्ग्य अनलाइन पत्रिका

देवीप्रसाद मिश्र :

भित्री आत्माका अनुपमकला, नित्य फक्रेर आऊन्।
बस्दाउठ्दामा,विविध लयका सिर्जना जुर्मुराऊन् ।।
आस्था अग्ल्याई मुलक हितमा कर्म सङ्ला सजाऊँ।
आमाबाबाका शुभ वचनले याे जगत् जित्न पाऊँ।।१।।

टाढा जाँदामा परिभव सबै झट्ट मारेर फेराे।
आऊँ बाबाकाे अति रहरकाे थाम्नलाई कटेराे ।।
आफ्ना नेपाली लयमधुरिका सभ्यतामा रमाऊँ।
आमाबाबाका शुभ वचनले याे जगत् जित्न पाऊँ।।२।।

आफ्नाे माटोमा असल गुणका कार्य जाेखेर गर्दै।
थामूँ पुर्खाकाे परिभव ,सदा नित्य आधार गर्दै ।।
केही भड्केकाे समयगतिमा भाइचारा बचाऊँ ।
आमाबाबाका शुभ वचनले याे जगत् जित्न पाऊँ।।३।।

पुस्ता बढ्दैछन् नवनयनका दीप्त छन् चेतनाका।
हुन्छन् देखेका हितकर कला राष्ट्रका वेदनाका ।।
बाँड्दै आस्थाका विधिवश कुरा देश मेराे हँसाऊँ।
आमाबाबाका शुभ वचनले याे जगत् जित्न पाऊँ।।४।।

इच्छा आकाङ्क्षा कुमुद मनमा खट्किएका बुबाका ।
बाेकी थाप्लामा प्रतिदिन सदा साख थाम्दै युवाका।।
फ्याकूँ उर्लेका, कलह कटिला त्रास टाढा भगाऊँ।
आमाबाबाका शुभ वचनले याे जगत् जित्न पाऊँ ।।५।।

०००
हाल- काठमाडाैं