नेपाली हास्यव्यङ्ग्य अनलाइन पत्रिका

अमर सन्तति :

१.
हिजोको विभत्स कहानी बाँकी छ
भएको विध्वस खरानी बाँकी छ
हेर्दैछन् निर्दोष रुँदै ती संरचना ,
आज खण्डहर राजधानी बाँकी छ ।

२.
बुद्धिशून्य हुन्छौँ र हामी लामो हात गराउछौँ
विवेकशून्य हुन्छौँ र हामी आगो लगाउछौँ
अर्काको आदेश मान्ने हामी यन्त्र मानवजस्ता
मानवताशून्य हुन्छौँ र हामी गोली चलाउछौँ ।

३.
अधिनायकवादी आततायी शासन ढल्यो
कैयौँ नवयुवाको सुनौलो त्यो जीवन ढल्यो
बल्यो आगो दनदनी राज्यका तीनै अङ्गहरूमा,
देशको धरोहर सार्वजनिक सम्पत्ति र मन ढल्यो ।

०००
भक्तपुर