नेपाली हास्यव्यङ्ग्य अनलाइन पत्रिका

कमला पन्थी अधिकारी :

बुढ्याैलीले गर्दा तन मन भएकाे छ थकित
गरी सेवा धेरै हरदम बनाओैँ पुलकित
गराैँ श्रद्धा हाम्रा जनक जननी साथ रहँदा
खुसी मान्दै हाँस्छन् हरबखत यी वृद्ध घरका । १ ।

कुन‌ै बेला खाेज्लान् थकित तनले मिष्ठ वचन
कतै गर्लान् आशा घरपर हुँदा गान भजन
सधैँ आशा राख्ने प्रमुख घरका रक्षक खडा
खुसी मान्दै हाँस्छन् हरबखत यी वृद्ध घरका । २ ।

अवस्था कस्ताे हाे ? नरम चिजकाे सङ्ग्रह गरी
खुवाओैँ आफैले उदर भरियाेस् आग्रह गरी
सुनाैँ धेरै धेरै अनुभवहरू मान्यवरका
खुसी मान्दै हाँस्छन् हरबखत यी वृद्ध घरका। ३ ।

उनैले जन्माए तन मन दिई पालन गरे
भयाे वृद्धावस्था अनि त बिचरा ती हुन गए
सबै सुम्पे आफ्नाे जति पनि थियाे दाैलत बरा
खुसी मान्दै हाँस्छन् हरबखत यी वृद्ध घरका । ४ ।

कुनै इच्छा हाेला मन मगजमा साेध्न नभुलाैँ
न हाैँ टाढा हामी सँगसँग बसी ज्ञान बटुला‌ैँ
उनै खम्बा हाम्रा अनि पछि उनै दीप घरका
खुसी मान्दै हाँस्छन् हरबखत यी वृद्ध घरका । ५ ।

०००
काठमाडाैं
-भक्तपुर बुढ्यैली साहित्य समाजकाे अभ्यासबाट